കൂട്ടിന്റെ സിനിമയാണ് പീനട്ട് ബട്ടർ ഫാൽക്കൺ. 22 വയസ്സുള്ള സാക്കിന് ഡൗൺ സിൻഡ്രോം ആണ്. അഗതികളായ വൃദ്ധർക്കായുള്ള ഗവൺമെന്റ് മന്ദിരത്തിലാണ് അവൻ താമസിക്കുന്നത്. പ്രൊഫഷണൽ ഗുസ്തിക്കാരനാകുക എന്നതാണ് അവന്റെ ആഗ്രഹം, സാൾട്ട് വാട്ടർ റെഡ് നെക്ക് ആണ് അവന്റെ ആരാധനാമൂർത്തി. അയാളുടെ ഗുസ്തി മത്സരങ്ങൾ കണ്ടുതീർത്തതിൽ, ആവർത്തിച്ചു കാണുന്നതിൽ അവൻ കണക്കുകൾ സൂക്ഷിക്കാറില്ല. ഗുസ്തി പഠിക്കാനും അദ്ധേഹത്തെ കണ്ടുമുട്ടാനുമായും അവൻ അഗതിമന്ദിരത്തിൽ നിന്നും ചാടുന്നു. കാൾ എന്ന വൃദ്ധന്റെ സഹായത്തോടെ ദേഹത്താകെ ക്രീം തേച്ച് വളച്ചു വച്ച കമ്പികൾക്കിടയിലൂടെ സമർത്ഥമായ് തെന്നിയിറങ്ങി സ്വാതന്ത്രത്തിന്റെ ലോകത്തേക്ക് അവൻ ഓടി പോകുന്നു. നിയോഗം പോലെ സാക്ക് എത്തിച്ചേരുന്നത് മീൻപിടുത്തക്കാരനായ ടൈലറുടെയടുത്താണ്.
സുന്ദരമായ ഭൂതകാലത്ത് ജീവിക്കുന്ന ടെലറുടെ ജീവിതം തൊഴിലില്ലായ്മ കൊണ്ട് അത്യാവശ്യം കഷ്ടത്തിലാണ്. പ്രതിഷേധത്തിലും വാശിയിലും ദേഷ്യത്തിലും തനിക്കെതിരായ് നിൽക്കുന്ന ഡങ്കന്റ ജോലി സ്ഥലത്ത് തീയിട്ട് നല്ലൊരു തുകയുടെ നഷ്ടം ഉണ്ടാക്കി രക്ഷപെടാൻ ഒരുങ്ങുന്ന ടൈലറിന്റെ ബോട്ടിലാണ് സാക്ക് ഒളിച്ചിരുന്നത്. ഡങ്കണും കൂട്ടരും പിൻതുടരുമ്പോൾ ടൈലർ ബോട്ട് പറപ്പിക്കുന്നു.
ഡങ്കണിൽ നിന്നും കഷ്ടിച്ച് രക്ഷപെടുന്നതിനിടയിലാണ് ഊഷ്മളമായ അവരുടെ കണ്ടുമുട്ടൽ; സൗഹൃദത്തിനുമതികമായ് കുടുംബമായ് മാറുന്ന യാത്രയുടെ ആരംഭം..
യാത്രയിൽ ഇല്ലാതാകുന്ന ദൂരങ്ങൾ എന്നത് പുതിയ ഒരു മലയാളം സിനിമയുടെ ടാഗ് ലൈൻ ആണ്. അക്ഷരാർത്ഥത്തിൽ അപരനിൽ നിന്നും സുഹൃത്തിലേക്കും കുടുംബത്തിലേക്കും യാത്രയിൽ ദൂരം ചുരുങ്ങുന്നുവെന്ന് സാക്കിന്റെയും ടൈലറുടെയും യാത്രയും മറ്റു ചില സിനിമയാത്രകളും നിരന്തരം ഓർമ്മിപ്പിക്കുന്നു. അമ്പിളിയെന്ന ചിത്രത്തിലെ അമ്പിളിക്ക് ബോബി കുട്ടനോടും കുടുംബത്തോടുമുള്ള തന്റെ കറകളഞ്ഞ സ്നേഹം തെളിയിക്കാൻ കിലോമീറ്ററുകൾ താണ്ടേണ്ടി വരുന്നുണ്ട്. അപകർഷതാബോധം കൊണ്ട് തന്നിലേക്ക് ചുരുങ്ങുന്ന കൗമാരക്കാരന് ജീവിതം തിരികെ കൊടുക്കുന്നത് മോഷ്ടിച്ചെടുത്ത കാറുമായ് സുഹുത്തുമൊത്ത് നടത്തുന്ന യാത്രയാണ്. Tschik- അവരുടെ യാത്രയെക്കുറിച്ചാണ്.
ചെ യിലെ വിപ്ലവകാരിയെ കണ്ടെത്തുന്നതിൽ ലാറ്റിനമേരിക്കൻ രാജ്യങ്ങൾ കടന്നുപോയ യാത്രയും ആൽബ്രട്ടോ ഗ്രാനാഡയെന്ന കൂട്ടിനും തുല്യ അവകാശമുന്നയിക്കാമെന്ന് മോട്ടോർ സൈക്കിൾ ഡയറീസും, പ്രണയം തേടിയുള്ള കാസിയുടെ യാത്രയിൽ സുനി കൂടിയെത്തുമ്പോൾ യാത്ര കരുതലാകുമെന്ന് നീലാകാശം പച്ചക്കടൽ ചുവന്ന ഭൂമിയും ഓർമിപ്പിക്കുന്നു.
തനിക്ക് ഡൗൺസിൻഡ്രോം ആണ് അത് കൊണ്ട് ചില കാര്യങ്ങൾ ഒന്നും ചെയ്യാനാകില്ല എന്ന് സാക്ക് ആദ്യമേ പറയുന്നുണ്ട്. നീ കരുത്തനാണ്, ശരീരത്തിന്റെ കരുത്താണ് നിന്റെ ബലമെന്ന് ടൈലർ ഓർമിപ്പിക്കുന്നു. സാക്കിനെ ജീവിതം പഠിപ്പിക്കുകയല്ല ടൈലറുടെ ലക്ഷ്യം, അവർ ഒരുമിച്ച് യാത്ര ആഘോഷിക്കുകയാണ്. മനോഹര പ്രകൃതിയെ അറിഞ്ഞ്, ചങ്ങാടം കെട്ടി, തുഴഞ്ഞ്, മീൻ പിടിച്ച്, മുന്നോട്ട് നീങ്ങുന്നു.
ടൈലർ പ്രായോഗിക അറിവുകൾ സാക്കിന് പകരുമ്പോൾ ഓർമ്മകളിൽ തളരുന്ന ടൈലറിന് ചാരിയിരിക്കാൻ തോളു കൊടുക്കുന്നു സാക്ക്. സാക്കിനെ തേടി മന്ദിരത്തിലെ ജീവനക്കാരി എലനോർ എത്തുന്നു, ഒരു തരത്തിൽ അവളും തനിച്ചാണ്. തുടർന്നുള്ള യാത്ര മൂന്ന് പേരും ഒരുമിച്ചാണ്.സാക്കിന്റെ പ്രിയപ്പെട്ട സാൾട്ട് വാട്ടർ റെഡ് നെക്കിനെ കണ്ടെത്താൻ ഒരുമിക്കുന്ന യാത്ര മൂന്നു പേരുടെയും ജീവിതം മാറ്റിമറിയ്ക്കുന്നു.
Togo, Little forest, Teachers diary, Be with You, Heid- പോലെ മനോഹര പ്രകൃതിയും ഹൃദ്യമായ സംഗീതവും കൊണ്ട് മനസ്സുനിറയ്ക്കുന്ന; കവിത പോലൊരു സിനിമ അനുഭവം. അരികു വൽക്കരിക്കാത്ത ചേർത്തു നിർത്തലിന്റെ ആഘോഷം. ഏകാന്ത യാത്രകളിൽ ഒപ്പം നടക്കുകയെന്നതിലും വലിയ നീതിയൊന്നും മനുഷ്യന് മനുഷ്യനോട് ചെയ്യാനില്ലയെന്ന് അടിവരയിടുന്ന സിനിമ നിങ്ങളുടെ മനസ്സുനിറയ്ക്കും തീർച്ച.❤️
സുന്ദരമായ ഭൂതകാലത്ത് ജീവിക്കുന്ന ടെലറുടെ ജീവിതം തൊഴിലില്ലായ്മ കൊണ്ട് അത്യാവശ്യം കഷ്ടത്തിലാണ്. പ്രതിഷേധത്തിലും വാശിയിലും ദേഷ്യത്തിലും തനിക്കെതിരായ് നിൽക്കുന്ന ഡങ്കന്റ ജോലി സ്ഥലത്ത് തീയിട്ട് നല്ലൊരു തുകയുടെ നഷ്ടം ഉണ്ടാക്കി രക്ഷപെടാൻ ഒരുങ്ങുന്ന ടൈലറിന്റെ ബോട്ടിലാണ് സാക്ക് ഒളിച്ചിരുന്നത്. ഡങ്കണും കൂട്ടരും പിൻതുടരുമ്പോൾ ടൈലർ ബോട്ട് പറപ്പിക്കുന്നു.
ഡങ്കണിൽ നിന്നും കഷ്ടിച്ച് രക്ഷപെടുന്നതിനിടയിലാണ് ഊഷ്മളമായ അവരുടെ കണ്ടുമുട്ടൽ; സൗഹൃദത്തിനുമതികമായ് കുടുംബമായ് മാറുന്ന യാത്രയുടെ ആരംഭം..
യാത്രയിൽ ഇല്ലാതാകുന്ന ദൂരങ്ങൾ എന്നത് പുതിയ ഒരു മലയാളം സിനിമയുടെ ടാഗ് ലൈൻ ആണ്. അക്ഷരാർത്ഥത്തിൽ അപരനിൽ നിന്നും സുഹൃത്തിലേക്കും കുടുംബത്തിലേക്കും യാത്രയിൽ ദൂരം ചുരുങ്ങുന്നുവെന്ന് സാക്കിന്റെയും ടൈലറുടെയും യാത്രയും മറ്റു ചില സിനിമയാത്രകളും നിരന്തരം ഓർമ്മിപ്പിക്കുന്നു. അമ്പിളിയെന്ന ചിത്രത്തിലെ അമ്പിളിക്ക് ബോബി കുട്ടനോടും കുടുംബത്തോടുമുള്ള തന്റെ കറകളഞ്ഞ സ്നേഹം തെളിയിക്കാൻ കിലോമീറ്ററുകൾ താണ്ടേണ്ടി വരുന്നുണ്ട്. അപകർഷതാബോധം കൊണ്ട് തന്നിലേക്ക് ചുരുങ്ങുന്ന കൗമാരക്കാരന് ജീവിതം തിരികെ കൊടുക്കുന്നത് മോഷ്ടിച്ചെടുത്ത കാറുമായ് സുഹുത്തുമൊത്ത് നടത്തുന്ന യാത്രയാണ്. Tschik- അവരുടെ യാത്രയെക്കുറിച്ചാണ്.
ചെ യിലെ വിപ്ലവകാരിയെ കണ്ടെത്തുന്നതിൽ ലാറ്റിനമേരിക്കൻ രാജ്യങ്ങൾ കടന്നുപോയ യാത്രയും ആൽബ്രട്ടോ ഗ്രാനാഡയെന്ന കൂട്ടിനും തുല്യ അവകാശമുന്നയിക്കാമെന്ന് മോട്ടോർ സൈക്കിൾ ഡയറീസും, പ്രണയം തേടിയുള്ള കാസിയുടെ യാത്രയിൽ സുനി കൂടിയെത്തുമ്പോൾ യാത്ര കരുതലാകുമെന്ന് നീലാകാശം പച്ചക്കടൽ ചുവന്ന ഭൂമിയും ഓർമിപ്പിക്കുന്നു.
തനിക്ക് ഡൗൺസിൻഡ്രോം ആണ് അത് കൊണ്ട് ചില കാര്യങ്ങൾ ഒന്നും ചെയ്യാനാകില്ല എന്ന് സാക്ക് ആദ്യമേ പറയുന്നുണ്ട്. നീ കരുത്തനാണ്, ശരീരത്തിന്റെ കരുത്താണ് നിന്റെ ബലമെന്ന് ടൈലർ ഓർമിപ്പിക്കുന്നു. സാക്കിനെ ജീവിതം പഠിപ്പിക്കുകയല്ല ടൈലറുടെ ലക്ഷ്യം, അവർ ഒരുമിച്ച് യാത്ര ആഘോഷിക്കുകയാണ്. മനോഹര പ്രകൃതിയെ അറിഞ്ഞ്, ചങ്ങാടം കെട്ടി, തുഴഞ്ഞ്, മീൻ പിടിച്ച്, മുന്നോട്ട് നീങ്ങുന്നു.
ടൈലർ പ്രായോഗിക അറിവുകൾ സാക്കിന് പകരുമ്പോൾ ഓർമ്മകളിൽ തളരുന്ന ടൈലറിന് ചാരിയിരിക്കാൻ തോളു കൊടുക്കുന്നു സാക്ക്. സാക്കിനെ തേടി മന്ദിരത്തിലെ ജീവനക്കാരി എലനോർ എത്തുന്നു, ഒരു തരത്തിൽ അവളും തനിച്ചാണ്. തുടർന്നുള്ള യാത്ര മൂന്ന് പേരും ഒരുമിച്ചാണ്.സാക്കിന്റെ പ്രിയപ്പെട്ട സാൾട്ട് വാട്ടർ റെഡ് നെക്കിനെ കണ്ടെത്താൻ ഒരുമിക്കുന്ന യാത്ര മൂന്നു പേരുടെയും ജീവിതം മാറ്റിമറിയ്ക്കുന്നു.
Togo, Little forest, Teachers diary, Be with You, Heid- പോലെ മനോഹര പ്രകൃതിയും ഹൃദ്യമായ സംഗീതവും കൊണ്ട് മനസ്സുനിറയ്ക്കുന്ന; കവിത പോലൊരു സിനിമ അനുഭവം. അരികു വൽക്കരിക്കാത്ത ചേർത്തു നിർത്തലിന്റെ ആഘോഷം. ഏകാന്ത യാത്രകളിൽ ഒപ്പം നടക്കുകയെന്നതിലും വലിയ നീതിയൊന്നും മനുഷ്യന് മനുഷ്യനോട് ചെയ്യാനില്ലയെന്ന് അടിവരയിടുന്ന സിനിമ നിങ്ങളുടെ മനസ്സുനിറയ്ക്കും തീർച്ച.❤️
Comments
Post a Comment