Skip to main content

അഞ്ചാംപാതിരാ | Review | Movie Street

സെലിബ്രട്ടി സ്റ്റാറ്റസ് ആഗ്രഹിക്കുന്ന യൂഷ്യൽ സൈക്കോപ്പാത്തല്ല ഞാനെന്നെ ഇപ്പോൾ സെലിബ്രേറ്റ് ചെയ്യപ്പെടുന്ന ബഞ്ചമിൻ ലൂയിസിന്റെ ഡയലോഗിന് ശേഷം ശ്രദ്ധിക്കുക..

അൻവർ ഹുസൈൻ: ഡോക്ടർ അവസാനത്തെ ചിരി എന്തായാലും നിങ്ങളുടെയല്ല.
എ സി പി അനിൽ ഈസ്‌ സ്റ്റിൽ അലൈവ്.
പിന്നെ ഒരു നീതിദേവത പ്രതിമ ബാക്കിയില്ലേ?

ബഞ്ചമിൻ ലൂയിസ്: അതെ, നീതിദേവത ബാക്കിയുണ്ട്.

തനിക്ക് പോലീസിൽ നിന്ന് രക്ഷപെടാൻ കഴിയില്ലെന്ന് ഉറപ്പുള്ള
ബഞ്ചമിൻ ഒടുവിൽ പറയുന്നത് നീതിദേവത പ്രതിമയെക്കുറിച്ചല്ല മറിച്ച് റബേക്കയെന്ന നീതിദേവതയെക്കുറിച്ചാണ്. തെറ്റുകാരനായ എ സി പി അനിൽ  ഇനി ജീവിച്ചിരിക്കില്ലയെന്നും നീതി നടപ്പിലാക്കാൻ ഏറ്റവും അർഹയുള്ള 'നീതിദേവത' ഇപ്പോഴും ബാക്കിയുണ്ടെന്നും അവൾ നീതി നടപ്പിലാക്കുമെന്നും  അയാൾ പ്രവചിക്കുന്നു. അൻവർ ഹുസൈന് അത് തിരിച്ചറിയാൻ കഴിയാതെ നിസ്സഹായനാകുന്നു.

.

റിയൽ ലൈഫിലെ സൈക്കോ സൈമണെ തിരിച്ചറിയുമ്പോൾ വൈദീകൻ പെൺകുട്ടിയെ പീഡിപ്പിക്കുകയും  പെൺകുട്ടിയുടെ പിതാവ് ഏറ്റെടുക്കുകയും ചെയ്യ്ത കേരളം ചർച്ച ചെയ്ത കൊട്ടിയൂർ സംഭവവും ഓർത്തെടുക്കേണ്ടതുണ്ട് 2016ലാണു ഏറേ വാർത്താപ്രാധാന്യം നേടിയ  പീഡനം പുറത്തറിയുന്നത്. ചൈൽഡ് ലൈനിനു ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണു പോക്സോ (കുട്ടികൾക്കെതിരായ ലൈംഗിക അതിക്രമ നിരോധന നിയമം) പ്രകാരം ഫാ.റോബിൻ  അറസ്റ്റിലായത്. പള്ളിയിൽ സ്ഥിരമായി എത്തുന്ന പെൺകുട്ടിയെ കംപ്യൂട്ടറിൽ ഡാറ്റാ എൻട്രി നടത്താൻ മുറിയിലേക്കു വിളിച്ചു വരുത്തി പീഡിപ്പിച്ചു ഗർഭിണിയാക്കിയെന്നാണു കേസ്.
സ്വന്തം പിതാവാണു പീഡിപ്പിച്ചതെന്നു ഫാ. റോബിന്റെ ഭീഷണിപ്രകാരം പെൺകുട്ടി ആദ്യം വ്യാജമൊഴി നൽകിയതായി കുറ്റപത്രത്തിൽ പറയുന്നു

 സിനിമയിൽ തെറ്റുകാരനായ ഫാദറിന് ബെനറ്റ് ഫ്രാങ്കോ എന്ന പേര് നൽകുന്നതിലൂടെ കന്യാസ്ത്രീയെ ലൈംഗീകമായ് പീഡിപ്പിച്ച് ചർച്ചയായ ബിഷപ്പ് ഫ്രാങ്കോ മുളയ്ക്കലിനെതിരെയും ക്രൈസ്തവ പുരോഹിത ഗണത്തിൽ നടക്കുന്ന മുഴുവൻ ലൈംഗീക അതിക്രമങ്ങൾക്കെതിരേയുള്ള പ്രതികരണം കൂടിയാകുകയാണ് സിനിമ.  സമൂഹവും പൊതുമനസാക്ഷിയും ആഗ്രഹിക്കുന്ന ശിക്ഷ കിട്ടാതെ; തെറ്റു ചെയ്യുന്ന ഇത്തരം 'പ്രമുഖർ ' സ്വാധീനം ഉപയോഗിക്കുകയും നിയമം അനുശാസിക്കുന്ന ശിക്ഷകളിൽ നിന്നും രക്ഷപെടുകയും സുഖവാസം നടത്തുകയും, കേസുകൾ പുറത്തറിയാതെ ഒതുക്കി തീർക്കുകയും ചെയ്യുന്ന ഉദാഹരണങ്ങൾ നിരവധിയാണ്.  പൊതുമനസാക്ഷിയെ തൃപ്തിപ്പെടുത്തുന്ന ശിക്ഷ അവർക്കു കൊടുത്തു എന്നത് കൊണ്ടാണ്  ബഞ്ചമിൻ ലൂയിസിനോടും സിനിമയോടും ഐക്യപ്പെടാൻ പ്രേക്ഷകൻ കഴിയുന്നത്.

Comments

Post a Comment

Popular posts from this blog

നമ്മെ വിഴുങ്ങുന്ന മൗനം

മൗനം പ്രപഞ്ചത്തിന്റെ ഭാഷയാണ്. ചില സന്ദർഭങ്ങളിൽ മൗനം ശക്തിയേറിയതാണ് ചിലപ്പോൾ സുന്ദരവും. പക്ഷേ മറ്റു ചിലപ്പോൾ അത് സഹിക്കാനാവാത്ത വൈരൂപ്യവുമാണ്. മികച്ച  അഭിനയത്തിനുള്ള  ദേശീയ  ചലച്ചിത്ര പുരസ്ക്കാര  ജേതാവും  വിവിധ   ഇന്ത്യൻ ഭാഷാ ചലച്ചിത്രങ്ങളിലെ വേഷങ്ങൾ കൊണ്ട്  ശ്രദ്ധേയനും തീവ്രവലതുപക്ഷ രാഷ്ട്രീയത്തിന്റെ കടുത്ത വിമർശകനുമായ പ്രകാശ് രാജിന്റെ ലേഖനങ്ങളുടെ സമാഹാരമാണ്  "നമ്മെ വിഴുങ്ങുന്ന മൗനം." ഇന്ത്യയിൽ സവർണ്ണ ഫാസിസ്റ്റുകൾ നിറയൊഴിച്ച് ഇല്ലാതാക്കിയ ഗൗരി ലങ്കേഷ്, ഈ വിനാശകരമായ ശക്തിയെ വിമർശിക്കാനും ഇല്ലാതാക്കാനുമുള്ള ഊർജം ഇന്ത്യൻ ജനതയ്ക്ക് പകർന്നു കൊടുത്തപ്പോൾ ഗൗരിയുടെ നാവായി പ്രകാശ് രാജ് രാഷ്ട്രീയത്തിലേക്ക് കടന്നു  വരികയായിരുന്നു. ഹിന്ദുത്വത്തെ വിമര്‍ശിച്ചു എന്ന പേരില്‍ വധഭീഷണി നേരിടുന്ന രാമചന്ദ്ര ഗുഹ, ശരണ്‍കുമാര്‍ ലിംബാളെ, ഗിരീഷ് കര്‍ണാട്, തുടങ്ങിയനേകം പേർക്കൊപ്പം ഭയമേതുമില്ലാതെ ഉറക്കെ സംസാരിക്കുകയെന്നതാണ് പ്രകാശ് രാജ് തിരഞ്ഞെടുത്ത ദൗത്യം. ചടുലവുമായ ചോദ്യശരങ്ങളിലൂടെയും ( #justasking ) ഹാസ്യാത്മകമായ വിമർശനങ്ങളിലൂടെയും രാജ്യത്തെ ജനങ്ങളിൽ വിശ...
Post a Comment
Read more

കലയുടെ തുറന്ന ജാലകം

പ്രശസ്ത റുമാനിയൻ എഴുത്തുകാരി അനാ ബ്ലാൻദിയാനയുടെ വളരെ പ്രശസ്തമായ കുഞ്ഞു കഥയാണ് തുറന്ന ജാലകം (The Open window). ഒരു ചിത്രകാരൻ അറസ്റ്റ് ചെയ്യപ്പെടുന്നു. ചിത്രകാരൻ താൻ അടയ്ക്കപ്പെട്ട ഇരുണ്ട ജയിൽ മുറിയുടെ ചുമരിൽ ഒരു ജാലകത്തിന്റെ ചിത്രം വരയ്ക്കുന്നു. ചിത്രം പൂർത്തിയാകുമ്പോൾ ഇരുണ്ട തടവറയിൽ പ്രകാശം നിറയുന്നു. അടുത്ത ദിവസം രാവിലെ ഭക്ഷണവും വെള്ളവുമായ് എത്തിയ ജയിലറുടെ കണ്ണ് ചിത്രത്തിലെ തീക്ഷ്ണമായ വെളിച്ചത്താൽ അസ്വസ്തമാകുന്നു. ഈ മുറിയിലെ കനത്ത ഇരുട്ടകറ്റാൻ ഞാനൊരു ജാലകം തുറന്നെന്ന ചിത്രകാരന്റെ വാക്കുകളെ  ഇത് വെറുമൊരു ചിത്രം മാത്രമെന്ന് ജയിലറുടെ നാവ് പരിഹസിക്കുന്നു. തടവറയിൽ എത്തിയ ഒരാളുപോലും ഇന്നേവരെ പുറം വെളിച്ചം  കണ്ടിട്ടില്ല എന്ന ജയിലറുടെ വാക്കുകൾ തടവറയുടെ ഭീകരമുഖം വ്യക്തമാക്കുന്നു. ഒടുവിൽ ഈ "തുറന്ന ജാലകത്തിലൂടെ" നിനക്ക് പുറത്ത് കടക്കാൻ കഴിയുമോ എന്ന് ജയിലർ പുഛത്തോടെ ചോദിക്കുന്നു. അയാളെ അത്ഭുതപ്പെടുത്തിക്കൊണ്ട് താൻ വരച്ച ജാലകത്തിലൂടെ ചിത്രകാരൻ  പുറത്തേക്ക് കടക്കുന്നു. വളരെ ചെറിയ ഈ കഥ ഏകാധിപത്യത്തിനെതിരെ ഏക ആശ്രയം കലയെന്ന സത്യം തുറന്ന് പറയുന്നു. രാജ്യത്ത് പ്രതിസന്ധികൾ വർദ്ധിച്ച് ...
Post a Comment
Read more

ആവുംങ്ങുംപൊയിൽ ഡയറീസ് -1

  വേ നലവധിക്ക് സ്ക്കൂൾ പൂട്ടിയാൽ പിന്നെ കാത്തിരിപ്പാണ് അങ്കിളിന്റെ വരവും നോക്കി. അവധി തുടങ്ങി ഒരാഴ്ചയ്ക്കകം  വെള്ളമുണ്ടും ഷർട്ടും വള്ളിച്ചെരുപ്പുമിട്ട്  കയ്യിൽ എരിവ് ബിസ്ക്കറ്റിന്റെ പൊതിയും പിടിച്ച് അങ്കിൾ എത്തും. ചെരുപ്പും കാലും സദാസമയം വൃത്തിയായിരിക്കണം എന്ന വാശിയിൽ വന്നപാടെ അലക്ക് കല്ലിൽ ബാർ സോപ്പ് തേച്ച് കാൽ ഉരസി, രാവിലെ മുറിക്കിയുടുത്ത മുണ്ട് സ്വൽപം അയവു വരുത്തി വീണ്ടും മുറുക്കി, മുണ്ടിന്റെ മടക്കിൽ കരുതിയ കുഞ്ഞ് ചീർപ്പെടുത്ത് മുടിയും മുടിയിലേറേ വളർന്ന താടിയും ചീകി തിണ്ണയിലേക്ക് കയറുമ്പോഴേക്കും ഞങ്ങൾ രണ്ട് മാസത്തേക്ക് വേണ്ട തുണികൾ ഗീതസിന്റയും കല്യാണിയുടെയും കവറുകളിൽ നിറയ്ക്കുന്ന തിരക്കിൽ ആയിരിയ്ക്കും. "കുരുത്തക്കേടോന്നും കാണിക്കല്ലേ! താക്കീതിന് മുൻപിൽ വിനീതരായ് അഭിനയിച്ച് ഞങ്ങൾ പുറപ്പെടും. ബസിന്റെ സൈഡ് സീറ്റിലിരുന്ന് സൈഡ് വിന്റോയുടെ കമ്പികൾ തന്ത്രപൂർവ്വം അറത്തു മാറ്റി സ്വപ്നങ്ങളിലേക്ക് എടുത്തു ചാടുന്ന കാലത്തിലേക്ക് ഏറെ സഞ്ചരിക്കാൻ ഉണ്ടെന്ന ബോധ്യം ഉണ്ടായിരുന്നത് കൊണ്ടു തന്നെ ചുരത്തിലൂടെയുള്ള യാത്ര മടുപ്പിക്കുന്നതായിരുന്നു.       ചുരം ഇറങ്ങി പകുതിയാകു...
4 comments
Read more